|
8 –ші ақпан күні аудандық кітапхананың оқу залында Қеңес әскерлерінің Ауғанстан жерінен шығарылғанына 30 жыл
толуы қарсаңында № 3 мектептің 8, 9, 10 класс оқушылары мен мектеп кітапханашы Талтанова А.А. қатысумен ерлік сабағы өткізілді. Ауған соғысы туралы ақиқатты жас ұрпаққа жеткізу, интернационалдық борышын өтеу жолында жерлестеріміздің ержүрек ерліктерін дәріптеу мақсатында «Афганстан жүректегі жара» атты кітап көрмесі ұйымдастырылып, библиографиялық шолу жасалды. Көрмеге Ауғанистандағы шайқаста құрбан болған және сол соғыста аман қалған жерлес жауынгерлер туралы деректі материалдар, оқиғалардың куәгерлері мен қатысушылардың фотосуреттері,
мерзімді басылымдар беттерінде жарияланған мақалалар топтамалары қойылды. Шара барысында Ауған соғысы жайында бейнефильм көрсетілді.
|
