Аудандық кітапхананың оқу залында 1 желтоқсан - Тұңғыш Президент күніне орай қарашаның 25-30 күн аралығында «Мақтан тұтар ұлы тұлға» ашық есік күндері өтті.
Ашық есік күндер аясында «Менің тұңғыш Президентім» атты ақпараттық сағат өткізілді.
Шараға №1 Хромтау орта мектебінің және №7Хромтау мектеп гимназиясының 8-9 сынып оқушылары мен мектеп кітапханашылары Жақсыбай Қ., Аясхан Г. қатысты. Кітапхана қызметкері оқушыларға тұңғыш Ел Президенті Н.Назарбаевтың өмірбаяны және еңбек жолы туралы мағлұмат берді. Оқушылардың назарына Елбасы өмірінен алынған деректі фильм ұсынылды. Шара барысында викториналық сұрақтар қойылып, оқушылар жауап берді.
Осы орайда ұйымдастырылған «Ел ертеңін ойлаған Елбасы» атты кітап көрмесіне әр жылдары Президент қаламының ұшынан шыққан шығармалары, атап айтсақ, «Тәуелсіздік белестері», «Қазақстан жолы», «Тарих толқынында», Н.Назарбаевтың әр жылдардағы қызмет хроникалары т.б. Елбасының өмірі мен шығармашылығына арналған кітаптар қойылды . Қызмет көрсету бөлімінің кітапханашысы Ақжарқын Махсутқызы кітап көрмесіне шолу жасады.