5 қараша күні Хромтау аудандық балалар кітапханасында «Парасат жолы» жобасы аясында  5 класс оқушыларымен  «Асыл қасиет- адалдық, асыл мінез – адамдық» тақырыбында пікір алмасу өтті.  Мақсаты: Оқушыларға адалдық, шындық туралы түсінік беру. Оқушылардың бойына рухани адамгершілік қасиеттерді ұялату. Бірін-бірі сыйлап, мейіріммен қарауға тәрбиелеу.

Шара барысында кітапханашы Жиенбаева Тамара Сағырқызы ұлы тұлғалардың өмірі мен шығармаларынан, жеткен жетістіктері жайында айта келіп, адал адамның бойында болуы керек қасиеттерді балаларға түсіндіріп өтті. Парасаттылыққа, адалдыққа, әділдікке тәрбиелеп, жақсылыққа жетелейтін ақын-жазушылардың көркем шығармалары, ұлы Абайдың асыл мұралары, дала ойшылы, философ ақын Шәкәрім Құдайбердіұлының адалдық, әділдік, парасаттылық, сенім сияқты асыл қасиеттерді дәріптеген шығармаларына шолу жасады.Қатысушылардың сұрақтарына жауап берумен қатар, адалдыққа қатысты оқушылардың да пікірлері тыңдалды.