8 тамызда Хромтау аудандық кітапханасының  балалар бөлімінде  30 тамыз – Конституция күніне орай «Ата заңым аялайды елімді!» атты тәрбие  сағаты өткізілді.«Ата заңым - айбарым» атты кітап көрмесі ұйымдастырылып, жас оқырмандарға «Қасым ханның қасқа жолы», «Есім ханның ескі жолы», Әз-Тәукенің «Жеті жарғысы», «Заң дегеніміз не?, «Адам құқықтары» туралы қарапайым тілмен ұғындырып, Ата Заң – әр азаматтың бұлжытпай орындайтын заңның темірқазығы екендігі түсіндірілді.

16 шілде күні «Қайсар  қызы  қазақтың» тақырыбымен  Кеңес Одағының Батыры Әлия Молдағұлованы еске алу кеші  ұйымдастырылды. 
       Жеңіс салтанатын көре алмай кеткен боздақтардың, азайып қалған майдангерлердің рухына бас ие отырып, жас  ұрпақты Отанды қорғауға, ерлік істеріне тағзым етуге, батыл да батыр, ержүрек болуға үйрету, Әлияның ерлігін насихаттау, үлгі ету - біздің парызымыз. Шараға  мектептен тыс білім беру орталығының жанынан құрылған «Балдәурен» лагерінің  оқушылары, тәлімгерлері шақырылды. Осы еске алу кешінде балалар патриоттық  өлеңдер оқып, әндер орындады. Садырова Альбина батыр қызға арналып жазылған Ә.Бейсеуовтің  «Әлия»  әнін орындап берді.