Құрметті оқырмандар!

Сіздерді  кітапханаға 2014 жылы мамыр, маусым  айларында келіп түскен жаңа әдебиеттермен таныстырамыз.
                                                    Жақсы  кітап – адал дос, ақыл жолдас, 
                                                   Ондай ешкім, еш нәрсе жақын болмас
                                                                                  М.Әлімбаев
Тарих 

   Абылай хан. Энциклопедия./ Бас ред. Б.Ө. Жақып. - Алматы: «Қазақ энциклопедиясы»,2013.-656 бет+32 бет түрлі түсті суретті  жапсырма.

   Энциклопедия XVIII-ғасырда ғұмыр кешкен хан, дарынды әскери қолбасшы, кемеңгер мәмілегер Абылай ханның қазақ халқының басынан өткен зор-зобалаң замандағы қазақтың елдігін сақтап қалудағы тарихи рөлі және ұлтты ұйымдастырып, біріктіру мақсаты жолында өзінің бүкіл күш-жігері мен ақыл-парасатын сарп еткен саяси қайраткерлік әрі мемлекеттік істеріне арналған. Энциклопедияда болашақ ханның бозбалалық шағынан ержетіп, есейіп-толысқан кезі, абыройы мен айбыны артып, өскен ортасы мен сұлтандықтан хан дәрежесіне дейінгі көтерілген өмір соқпақтары, Абылайдың арғы – бабалары мен одан тараған ұрпақтары мен үрім-бұтақтары, тұтас-замандастары, елі мен жерін жат жұрттықтардан қан кешіп жүріп қорғаған үзеңгілес жаужүрек батырлары, ел болашағының қамын жеген ақылгөй даналар мен билері; қазақ халқының тәуелсіздігі жолында Абылай ханның ұстанған өмірлік мақсат-мұраты жолында күрес жүргізген ілгері-кейінді ел басылары, қаһарман ерлер және ханның өмірі мен еңбегі жайында қалам тартқан ақындар мен жазушылар, ғалымдар мен зерттеушілер, сондай-ақ Абылай ханнан кейінгі ұрпаққа мұра болып қалған жер-су аттары, т.б. қамтыған.